देयन्यक थप ३१२ म्ह कोरोना संक्रमण पुष्टि
लहनान्युज | सिल्लागा सप्तमी ११४२, फागुन ११ बुधवाः
![](https://www.lahananews.com/sites/default/files/co%201%20%286%29_19.jpg)
वंगु २४ घण्टाया दुने देयन्यक थप ३१२ म्हेसित कोरोना संक्रमण पुष्टि जुगु दु।
अथेहे कोरोना सक्रमणं निम्हेसिगु ज्यान वंगु दु।
स्वास्थ्य तथा जनसंख्या मन्त्रालयया कथं ५ हजार १०३ म्हेसिगु पीसीआर परीक्षण याउगुलि २५६ म्ह व ३ हजार ५९० म्हेसिगु एन्टिजेन परीक्षण याउगुलि ५६ म्ह याना ३१२ म्हेसित संक्रमण पुष्टि जुगु दु।
आःतक देयन्यक १० हजार ९० म्ह सक्रिय संक्रमितपि दु। अथेतु बुधबाः ९११ म्ह संक्रमणमुक्त जुगु दु। स्वनिगलय् थप ८७ म्ह कोरोना संक्रमितपि थपे जुगु दु।
उकि मध्ये येँ ६७, यलय् १० व ख्वपय् झीम्हेसित संक्रमित जुगु दु धका मन्त्रालयं धाउगु दु।
Categorized in राष्ट्रिय