एमसीसीया विपक्षय् वंसा गठबन्धनया औचित्य मदु, गगन थापा
लहनान्युज | सिल्लागा षष्ठी ११४२, फागुन १० मंगलवाः
![](https://www.lahananews.com/sites/default/files/gagan-t_2.jpg)
नेपाली कांग्रेसया महामन्त्री गगन थापां अमेरिकी सहयोग परियोजना एमसीसीया पक्षय् मतदान मयासा नेकपा माओवादी केन्द्र व एकीकृत समाजवादीं सरकार त्वतेमाः धका धाउगु दु।
भरतपुर विमानस्थलय् मंगलबाः महामन्त्री थापां सत्तारुढ दलं हे सरकारं संसदय् पेश याउगु एमसीसी सम्झौताया विपक्षय् मतदान यासा गठबन्धनया औचित्य व हे दिं क्वचाइ धका धाउगु दु।
सरकारं हःगु प्रस्तावया विपक्षय् मतदान यायेगु, अले सरकारय् च्वनेगु धायेगुु अनैतिक जुइ धका कांग्रेस महामन्त्री थापा धाउगु खः।
मतदानया इलय् प्वाःस्यात धका छेँ च्वनिइगु, मेगु दिं ठीक जुल धका गठबन्धनय् लिहावयेगु खँ मिले मज्य्र धका थापां धाउगु खः।
कम्युनिष्टया नेतृत्वय् दुगु व कम्युनिष्ट सहभागी जुगु सरकारं थीथी इलय् एमसीसी सम्झौता न्ह्यने वंगु ज्याय् विरोध यायेगु औचित्य मदु धका धाउगु खः
Categorized in राष्ट्रिय