देयन्यक ३८८ म्ह कोरोना संक्रमण पुष्टि
लहनान्युज | सिल्लागा पंचमी ११४२, फागुन ९ सोमवाः
![](https://www.lahananews.com/sites/default/files/co%201%20%287%29_92.jpg)
वंगु २४ घण्टाय् देयन्यक थप ३८८ म्हेसित कोरोना भाइरस संक्रमण पुष्टि जुगु दु।
स्वास्थ्य तथा जनसंख्या मन्त्रालयया कथं ५ हजार २२५ म्हेसिगु पीसीआर परीक्षण २४७ म्ह व २ हजार ९१५ एन्टिजेन परीक्षण यागुलि १४१ म्ह याना ३८८ म्हेसित संक्रमण पुष्टि जुगु दु।
मन्त्रालयया कथं वंगु २४ घण्टाय् १२०५ म्ह संक्रमणमुक्त जुगु दु। अथेहे कोरोना संक्रमणया कारण प्यम्हेसिगु ज्यान वंगु दु। स्वनिगलय् थप ९६ म्ह कोरोना संक्रमण पुष्टि जुगु दु।
उकिमध्ये येँ ७७ म्ह, यलय् ११ म्ह व ख्वपय् च्याम्हेसित कोरोना संक्रमित जुगु दु। अथेहे यस्तै कास्कीइ १५, झापा व मोरङय् १२÷१२ म्ह, सुनसरी व चितवनय् १०÷१० म्ह, तनहुँइ ७, नुवाकोटय् ६ नाप पाँचथर व बाँकेय् ५÷५ म्हेसित कोरोना संक्रमण पुष्टि जुगु दु धका स्वास्थ्य मन्त्रालयं धाउगु दु।
Categorized in राष्ट्रिय