स्थानीय तह निर्वाचनया लागि निर्वाचन आयोगय् थप स्वगू दल दर्ता जुगु दु।

थ्व नाप आयोगय् दर्ता जुगु दलया ल्याः १०६ थ्यंगु दु। थौं बिहीबाः जुगु पत्रकार सम्मेलनय् आयोगया प्रवक्ता शालिग्राम शर्मा पौडेलं लिपागु इलय् आयोगय् जनता प्रगतिशील पार्टी नेपाल, सामाजिक एकता पार्टी व नागरिक उन्मुक्ति पार्टी दल दर्ता जुगु जानकारी बिउगु दु।

सरकारं वैशाख ३० गतेया लागि स्थानीय तहया निर्वाचन घोषणा याउगुलि आयोगं दल दर्ताया लागि आह्वान याउगु खः। दल दर्ताया लागि फागुन १५ गते तक ई तोके  याउगु खः।

आयोगं जनशक्ति व्यवस्थापन निर्देशिका २०७८ स्वीकृत गरी पालिकास्तरय् कार्यरत कर्मचारीपिन्त उगु हे पालिकाया निर्वाचन अधिकृतया कार्यालय परिचालन यायेगु व्यवस्था याउगु दु।

Categorized in राष्ट्रिय