एमसीसीया विषय छलफल यायेत सत्ता गठबन्धनया बैठक च्वनिइगु
लहनान्युज | सिल्लागा पारु ११४२, फागुन ५ बिहीवाः
![](https://www.lahananews.com/sites/default/files/gatha.jpg)
अमेरिकी सहयोग परियोजना एमसीसीया विषय छलफल यायेत सत्ता गठबन्धनया बैठक थौं च्वनिइगु जुगु दु।
थौं न्हिनसिया ३ बजे च्वनेत्यंगु दु। शुक्रबाः प्रतिनिधि सभाय् एमसीसी पेश यायेगु तयारी जुगु मंकाः धारणा दयकेगु कुतः यायेत गठबन्धनया बैठक च्वनेत्यंगु खः।
बुधबाः संसद बैठकय् एमसीसी पेश यायेगु सरकारया तयारी दु। तर दलपि दथुइ सहमति कायम मजुलि म्हिगः स्थगित याउगु खः। प्रधानमन्त्री शेरबहादुर देउवा व माओवादी केन्द्रया अध्यक्ष प्रचण्ड दथुइ जुगु उगु भेटवार्ताय् एमसीसी संसदय् पेश याये न्ह्यः गठबन्धनया बैठक सत्येगु सहमति जुगु खः।
उकिया लागि थौं गठबन्धनया बैठक एमसीसीया सम्बन्धय् निर्णायक जुइगु अनुमान याउगु दु।
Categorized in राष्ट्रिय