माओवादी नेता नारायणकाजी श्रेष्ठ एमसीसीविरुद्ध प्रदर्शनय् सहभागी
लहनान्युज | सिल्लाथ्व पुन्हि ११४२, फागुन ४ बुधवाः
![](https://www.lahananews.com/sites/default/files/mmm_10.jpg)
नेकपा माओवादी केन्द्रया नेता नारायणकाजी श्रेष्ठ न एमसीसीविरुद्ध प्रदर्शनय् सहभागी जुगु दु।
न्हुगु बानेश्वरय् भेला जुया प्रदर्शन यायेगु झ्वलय् पार्टी कार्यकर्तापि दथुइ श्रेष्ठ थ्यःगु खः। माओवादी केन्द्रया संसदीय दलया बैठकं एमसीसीया विपक्षय् निर्णय यायेवं श्रेष्ठ न प्रदर्शनय् सहभागी जुगु खः।
माओवादी केन्द्रया वाईसीएल, अखिल क्रान्तिकारी लगायतया भ्रातृ संस्थां थौं सुथनिसे न्हुगुबानेश्वरय् भेला जुया प्रदर्शन यानाच्वंगु खः।
उगु थासय् नेकपा एकीकृत समाजवादी, राप्रपा, विप्लव नेतृत्वया नेकपा, मोहन वैद्य नेतृत्वया नेकपा क्रान्तिकारी माओवादी लगायत न प्रदर्शन याउगु खः।
प्रहरी व प्रदर्शनकारीपि दथुइ झडप जुया न्हुगु बानेश्वरय् तनावग्रस्त जुगु खः।
Categorized in राष्ट्रिय