राष्ट्र उत्थान लघुवित्त वित्तीय संस्थाया साधारण सेयर (आईपीओ) थौं ४ फागुननिसे खुला जुगु दु।

कम्पनीं प्रतिकित्ता १०० रुपैयाँ अङ्कित मूल्यया ८ करोड ५० लाख रुपैयाँ बराबरया ८ लाख ५० हजार कित्ता प्रारम्भिक सार्वजनिक निष्कासन (आईपीओ) या बिक्री खुला याउगु दु।

कम्पनीं निष्कासन याउगु साधारण सेयरया कुल निष्कासनया ५ प्रतिशत अर्थात् ४२ हजार ५०० कित्ता सामूहिक लगानी कोषयात बाँडफाँट याउगु दु सा जारी पुँजी २६ करोडया ०.२ प्रतिशत अर्थात् १३ हजार कित्ता सेयर कर्मचारीपिनिगु लागि सुरक्षित याना बाँकी दुगु ७ लाख ९५ हजार ५०० कित्ता सेयर खरिदया लागि सर्वसाधारणं थौं फागुन ४ गतेनिसे आवेदन बिइ दइ धका कम्पनीं जारी याउगु विज्ञप्तिइ उल्लेख याउगु दु।

सर्वसाधारणपिन्स फागुन ८ गतेतक न्यूनतम १० कित्तानिसे अधिकतम १ हजार कित्तातकया लागि आवेदन बिइ फइ।

Categorized in राष्ट्रिय