वंगु २४ घण्टाया दुने देयन्यक थप ६८० म्हेसित कोरोना संक्रमण पुष्टि जुगु दु।

अथेहे थप निम्हेसिगु ज्यान वंगु दु। स्वास्थ्य तथा जनसंख्या मन्त्रालयया कथं देयन्यक ७ हजार ९५ म्हेसिगु नमुना परीक्षण याउगु खः।

४ हजार २५६ म्हेसिगु पीसीआर परीक्षण याउगुलि ४९८ म्ह व २ हजार ८३९ म्हेसिगु एन्टीजेन परीक्षण याउगुलि १८२ म्ह याना ६८० म्हेसित संक्रमण पुष्टि जुगु दु।

अथेहे वंगु २४ घण्टाय् १ हजार ८३५ म्ह संक्रमणमुक्त जुगु दु। अथेहे स्वनिगलय् थप २०९ म्ह कोरोना संक्रमितपि थपे जुगु दु। उकि मध्ये येँ जक १७१ म्हेसित कोरोना सक्रमण जुगु दु।

यलय् २४ म्ह व ख्वपय् १५ म्ह संक्रमित जुगु दु धका मन्त्रालयं धाउगु दु।

Categorized in राष्ट्रिय