शेयर बजार परिसूचक नेप्से थौं मङ्गलवाः ५३ अङ्कं थहावंगु दु।

म्हिगः सोमवाः सामान्य थहावंगु नेप्से थौं ५३ दशमलव ३ अङ्कं थहावना २ हजार ७ सय ५४ दशमलव २८ विन्दुइ थ्यंगु दु।

थौं दक्को समूहया शेयर थहावसा बीमा, माइक्रोफाइनान्स, जलविद्युत् व विकास बैंक समूहया शेयर यक्को कुहावंगु दु।  बजाः खुले जुगुनिसे न्हिनय् २ बजे तक सामान्य घटबढ जुगु नेप्से २ बजे लिपा थहावंगु खः।

२ बजे तक २ हजार ७ सय ८ विन्दु दुगु नेप्से ३ बजे २ हजार ७ सय ५३ विन्दुइ थ्यका बन्द जुगु खः। थौं २२४ कम्पनीया ६३ लाख ४३ हजार कित्ता शेयर ३ अर्ब २३ करोड ३३ लाख रुपैयाँया कारोबार जुगु खः।

दकलय् अप्पो हिमालयन डिस्टिलरीया २२ करोड ७७ लाख रुपैयाँया शेयर किनबेच जुगु खः। न्यादी हाइड्रोया शेयर १० प्रतिशत व तेह्रथुम पावर कम्पनीया शेयर ९ अङ्कं थहावंगु खः।

Categorized in राष्ट्रिय