सहीद स्मारक ए डिभिजन लिगया १०गूगु चरणया कासा माघ २८ गतेनिसें न्ह्याइगु
सिल्लाथ्व अष्टमी ११४२, माघ २६ बुधवाः
![](https://www.lahananews.com/sites/default/files/a%20divison.jpg)
सहिद स्मारक ए डिभिजन लिग फुटबलया १०गूगु चरण २८ माघनिसें न्ह्यायेत्यंगु दु ।
न्हापांगु कासाय् फ्रेन्डसं ब्रिगेड ब्वाइजलिसे म्हितिइ । अथेहे २८ माघय् हे निगूगु कासाय् त्रिभुवन आर्मीं जावलाखेललिसे म्हितिइ । निगू कासा दशरथ रंगशालाय् जुइबल् मेगु छगू कासा एन्फा कम्प्लेक्सय् जुइ ।
एन्फां म्हिगः ३गू चरण ड्र नं सार्वजनिक याःगु दु । १२गूगु चरणया फुक्क कासा दशरथ रंगशालाय् जुइबलय् १०गूगु चरणया छगू कासा एन्फा कम्प्लेक्सय् जुइसा ११ गूगु चरणया निगू कासा एन्फा कम्प्लेक्सय् जुइ ।
९गूगु चरण क्वचाबलय् मच्छिन्द्र २३ गू ल्याः लिसें शीर्ष थासय् दुसा मनाङ मर्स्याङदी क्लब १९गू ल्याः लिर्से निगूगु थासय् दु ।
अथेहे १७गू ल्याः लिसें त्रिभुवन आर्मी क्लब ३गूगु थासय् दु् । लिगया रेलिगेशन जोनय् धाःसा दक्वःलय् लिउने ३गू ल्याः लिसें फ्रेन्डस क्लब दु ।
अथेहे च्यासल ५गू ल्याः लिसें लिउनेपाखें निगूगु थासय् लाना रेलिगेशन जोनय् दु । ब्रिगेड ब्वाइज ६गू ल्याः लिसें रेलिगेशन जोन सिवें छगू थाय् च्वयेय् दु ।
आःया लिग रेलिगेशन व उपाधि धेंधेंबल्ला रोचक जुइगु आँकलन याःगु दु ।
Categorized in कासा