इंग्लिस प्रिमियर लिग अन्तर्गत बर्नले व युनाइटेड ज्वलिंज्वलय् क्वचाल
सिल्लाथ्व अष्टमी ११४२, माघ २६ बुधवाः
![](https://www.lahananews.com/sites/default/files/epl%20manu.jpg)
इंग्लिस प्रिमियर लिग फुटबल अन्तर्गत म्हिगः चान्हय् जूगु कासाय् म्यान्चेस्टर युनाइटेड व बर्नले १गू–१गू गोलया ज्वलिन्ज्वmलय् क्वचागु दु ।
थुगु ज्वलिन्ज्वः लिसें म्यान्चेष्टर युनाइटेडं शीर्ष ४गूलिइ थ्यनेगु ह्वता त्वफिकुगु दु । कासाया १८गूगु मिनेटय् म्यान्चेष्टर युनाइटेडया नितिं पाउलो पोग्वां गोल याःगु खः ।
तर घरेलु टोलीया जय रोड्रिगुयजं कासाया ४७गूगु मिनेटय् ज्वलिन्ज्वः गोल याना कासा ज्वलिन्ज्वःलय् हःगु खः । थुगु ज्वलिन्ज्वःलिपा युनाइटेड २३ गू कासां ३९गू ल्याः लिसें ५गूगु थासय् दु ।
बर्नले धाःसा २०गू कासां १४गू ल्याः लिसें लिउने दु । अथेहे म्हिगः चान्हय् जूगु मेगु कासाय् न्युक्यासल युनाइटेडं एभर्टनयात ३गू–१गूया गोल अन्तरं व वेस्ट ह्याम युनाइटेडं वाट्फोर्डयात १गू–०या गोल अन्तरं बुका शीर्ष ४गूलिइ थ्यंगु दु ।
लिगय् २३गू कासां ५७ गू ल्याः लिसें म्यान्चेस्टर सिटी शीर्ष थासय् दु् ।
Categorized in कासा