कोरोनां १३ म्ह मन्त, देयन्यक १ हजार ५७०म्ह संक्रमण पुष्टि
लहनान्युज | सिल्लाथ्व षष्ठी ११४२, माघ २४ सोमवाः
![](https://www.lahananews.com/sites/default/files/c0o_74.jpg)
वंगु २४ घण्टाया दुने देयन्यक कोरोना भाइरस (कोभिड–१९) या संक्रमणपाखे थप १३ म्हेसिगु ज्यान वंगु दु।
अथेहे थौं देयन्यक १ हजार ५७० म्हेसित कोरोना संक्रमण पुष्टि जुगु दु। स्वास्थ्य तथा जनसंख्या मन्त्रालयया कथं देयन्यक ११ हजार ३६५ म्हेसित नमुना परीक्षण याउगु खः।
७ हजार ८७४ म्हेसिगु पीसीआर परीक्षण याउगुलि १ हजार २२ म्ह व ३ हजार ४९१ म्हेसिगु एन्टीजेन परीक्षण याउगुलि ५४८ म्ह याना १ हजार ५७० म्हेसित संक्रमण पुष्टि जुगु खः।
वंगु २४ घण्टाय् ६ हजार १४६ म्ह संक्रमणमुक्त जुगु दु। आःतक देयन्यक ४० हजार १११ म्ह संक्रिय संक्रमितपि दु। उकि मध्ये ३८ हजार ८८३ म्ह संक्रिय संक्रमित होम आइसोलेसनय् व १ हजार २२८ म्ह संस्थागत आइसोलेसनय् च्वना च्वंगु दु।
Categorized in राष्ट्रिय