इजिप्ट सेनेगल अफ्रिका कप फुटबलया सेमिफाइनलय् दुहाँवन
पोहेलागा चतुर्दशी ११४२, माघ १७ सोमवाः
![](https://www.lahananews.com/sites/default/files/africa%20cup.jpg)
इजिप्ट र सेनेगल अफ्रिका कप अफ नेशन्स फुटबल च्याम्पियनसीपया सेमिफाइनलय् दुहाँवंगु दु ।
क्यामरुनय् वंगु चान्हय् जूगु क्वाटरफाइनलया कासाय् मोरक्कोयात थप याःगु ईलय् २–१ गोल अन्तरं बुकाः इजिप्ट सेमिफइनलय् थ्यंगु खः । कासाय् मोरक्कोया सोफियाने बुफलं न्हापांगु गोल यायेवं इजिप्टया मोहोमद सालाहं छगोल नकूगु खः ।
क्वःछिनातःगु ईलय् १–१ गोलया ज्वलिंज्वः कासा जूगु खः । थप याःगु ईलय् इजिप्टया ट्रेजेग्वेटं निर्णायक गोल यानाः पुचःयात सेमिफाइनलय् थ्यंकूगु खः । वंगु चान्हय् जूगु मेगु कासाय् इक्वेटोरियल गिनीयात ३–१ गोलं बुकाः सेनेगल न सेमिफाइनलय् दुहाँवंगु दु ।
वंगु चान्हय्या कासानाप अफ्रिका कप फुटबलया सेमिफाइनल समिकरण क्वःजित । बुधवाः जुइगु न्हापांगु सेमिफाइनल कासाय् सेनेगल व बुर्किना फासोदथुइ धेंधेंबल्ला याइबलय् बिहिवाः ग्वसाःखलः क्यामरुनं इजिप्टनाप म्हिती ।
Categorized in कासा