एमसीसी पास मजूसा न्यागू दलीय गठबन्धन त्वाधइ, प्रम देउवा
लहनान्युज | पोहेलागा चतुर्दशी ११४२, माघ १७ सोमवाः
![](https://www.lahananews.com/sites/default/files/ddee_3.jpg)
प्रधानमन्त्री शेरबहादुर देउवां प्रतिनिधिसभाया चालु अधिवेशनय् हे अमेरिकी सहयोग सम्बन्धी परियोजना मिलिनियम च्यालेन्ज कम्प्याक्ट (एमसीसी) पारित याये माःगु थःत बाध्यता दु धका धाउगु दु।
प्रम देउवां एमसीसी पास मजूसा न्यागू दलीय गठबन्धन त्वाधइ धका चेतावनी तक बिउगु दु। सत्तारुढ न्यागु दलया बैठक तया स्थानीय निर्वाचन जेठ यायेगु सहमति यासे देउवां वया लिपा एमसीसीबारे छलफल याउगु खः।
बालुवाटारय् जुगु छलफलय् राष्ट्रिय जनमोर्चा बाहेक प्यंगु दलया शीर्ष नेतापि व कार्यदलया सदस्यपि झलनाथ खनाल, नारायणकाजी श्रेष्ठ व ज्ञानेन्द्रबहादुर कार्कीपि दुगु खः।
बैठकय् नेपाली कांग्रेसया सभापति नाप प्रधानमन्त्री देउवां १ फेब्रअरी तक अनुमोदन मजूसा अमेरिकां एमसीसी परियोजना लित यकिइ धका धासे संसदं अनुमोदन यायेमाः धका धाउगु खः।
Categorized in राष्ट्रिय