बिमल घर्तीमगरया गोलं मौरिससलिसेया अन्तर्राष्ट्रिय मैत्रीपुर्ण कासाय् नेपाल त्यात
पोहेलागा त्रयोदशी ११४२, माघ १६ आईतवाः
![](https://www.lahananews.com/sites/default/files/nepal_18.jpg)
बिमल घर्ती मगरया निर्णायक गोलय् नेपालं मौरिससयात न्हापांगु अन्तर्राष्ट्रिय मैत्रीपुर्ण कासाय् बुकूगु दु ।
घरेलु मैदानय् नेपालं मौरिससयात १–० गोलं बुकल । नेपालयात त्याकेत बिमलं निगूगु हाफय् याःगु गोल हे निर्णायक जुल ।
प्रतिबन्ध व घाःपाः जुइधुंकाः राष्ट्रिय टोलीइ पूनरागमन याःगु न्हापांगु कासाय् हे बिमल गोल यायेत ताःलाःगु खः । वय्कलं सन् २०१८य् जूगु साफ च्याम्पियनसिप धुंकाः गोल याःगु खः । थ्वलिसें बिमलया गोल ल्याः ९ थ्यंगु दु ।
नेपालं मौरिससलिसे निगूगु मैत्रीपुर्ण कासा मंगलबाः म्हिती । नेपालं न्हापांगु खुसी अफ्रिकी टोलीलिसे अन्तर्राष्ट्रिय कासा म्हितूगु खः ।
Categorized in कासा