अमेरिकाय् हिमआँधीया कारण जनजीवन प्रभावित
लहनान्युज | पोहेलागा त्रयोदशी ११४२, माघ १६ आईतवाः
![](https://www.lahananews.com/sites/default/files/usa-him.jpg)
अमेरिकाय् पूर्वी तटीय क्षेत्रय् वःगु हिमआँधीया कारण जनजीवन प्रभावित जुगु दु।
प्यदँ लिपा वंगु थज्यागु हिमआँधी वंगु दु अनया राष्ट्रिय मौसम विभागं धाउगु दु। विभागं फयाफतले यात्रा मयायेत व यात्रा याये हे माःसा ख्वाउगुलि बचे जुया वनेत न इनाप याउगु दु।
हिमआँधी वसा दुने सुरक्षित जुइत विभागं इनाप याउगु दु। अथेहे, भारी हिमपात व फय् वउगुलि न्याउगु राज्यय् आपत्कालीन अवस्था घोषणा याउगु दु धका बीबीसीं धाउगु दु।
न्युयोर्क, न्युजर्सी, मेरिल्यान्ड, भर्जिनिया व रोड आइल्यान्डय् आपत्कालीन अवस्था घोषणा याये धुकुगु दु। अनया सरकारं सतर्कता अपने यायेत चेतावनी जारी याउगु दु।
Categorized in अन्तर्राष्ट्रिय