पिलातुं त्वाः छेँः शिलान्यास
रसिया श्रेष्ठ | पोहेलागा द्धादशी ११४२, माघ १५ सनिवाः
![](https://www.lahananews.com/sites/default/files/272102899_1283948785424413_5027983550265592455_n_0.jpg)
येँ महानगरया मेयर विद्यासुन्दर शाक्यं वडा २७ त्यःरय् बेखालाछी मार्ग पिलातुं शिलान्यास याउगु दु।
थौं छुगु ज्याझ्वः दथुइ मेयर शाक्यं असनय् कमलाक्षी पिलातुं त्वाः दाफा खलया गुठी छेँया शिलान्यास यानादीगु दु।
उगु ज्याझ्वलय् उपमेयर हरिप्रभा खड्गी श्रेष्ठ, वडाध्यक्षपि चिनियाँमान बज्राचार्य, न्हुन्छेकाजी महर्जन नाप जनप्रतिनिधि व गुठीयारपिनिगु न सहभागी दुगु खः। भवन निर्माणया लागि महानगरं १ करोड रुपैयाँ विनियोजन याउगु दु। सम्पदा तथा पर्यटन विभागं भवन निर्माणया लागि वंगु पुस २८ गते कार्यादेश बिइ धुकुगु खः। गुकिया निर्माण वंइगु पुस मसान्त दुने सम्पन्न यायेमाः।
शिलान्यास लिपा न्ववासे मेयर शाक्यं, सम्पदा बचे यायेत महानगरं अप्पो यानागु दु धका धयादीगु खः। ‘सम्पदा बचे यायेत महानगरं राज्यपाखे ध्यवा बियागु दु। लगानी खः। छाय् धासा थज्यागु सम्पदायात पर्यटन नाप स्वायेमाः ध्यवा लिहा वइ। जिमिसं सम्पदायात पर्यटन नाप स्वाना व्यापारपाखे स्थानीयपिनिगु आय थकायेगु निति लगानी यानागु खः।’ मेयर शाक्यं धाउगु दु, ‘जिमिगु लगानीपाखे मूर्त अमूर्त सांस्कृतिक गतिविधि दथुइ सम्बन्ध बढे जुइ व परम्परागत चालचलन पुस्तान्तरण यायेत ग्वाहालि जुइगु भलसा काउगु दु।’
मेयर शाक्यं, स्थानीय निर्वाचन नाप स्वाना वयकलं धाउगु दु स्थानिय निर्वाचन इलय् जुइगु आशावादी न यानादीगु दु। ‘स्थानीय तह जनप्रतिनिधिविहिन जुइगु अवस्थाय् वइ मखु, थुकिइ सरकारं इलय् निर्णय याइगुलि भलसा दु ।’ वयकलं धाउगु दु। महानगरं भाषा, लिपी, संस्कार व संस्कृतिया निरन्तरताय् ज्या यानाच्वंगु दु।
उगु ज्याझ्वलय् उपमेयर, खड्गी श्रेष्ठं धयादीगु दु, ‘जिमिसं याना वयाउगु ज्यायात आः वइपि जनप्रतिनिधिपिन्स न नियमित कथं जुइगु भलसा कयादीगु दु। छाय् धासा जिमिसं समुदायया हित जुइगु निर्णय यानागु दु। नीति दयकाउगु दु। बजेट तया ज्याझ् याना कार्यान्वयनय् हयाउगु दु। थज्यागु स्थानीय सरकारं दायित्व पूरा याना बालाउगु लिच्वः वंगु दु।’
Categorized in राष्ट्रिय