नेपालय् च्वना अमेरिकाय् जू म्हितकूगु द्धपनय् १२ म्हेसित ज्वंन
लहनान्युज | पोहेलागा तृतीया ११४२, माघ ७ शुक्रवाः
![](https://www.lahananews.com/sites/default/files/ap-ea.jpg)
नेपालय् च्वना अमेरिकाय् जू म्हितका च्वपिन्त महानगरीय अपराध अनुसन्धान महाशाखां ज्वंगु दु।
नेपालं मोबाइल एप्लिकेशन चले याना अमेरिकाय् जू म्हितकूगु द्धपनय् १२ म्हेसित ज्वंनागु दु धका महाशाखाया प्रमुख वसन्तबहादुर कुँवर न धाउगु दु। नेपाःया मुख्य नाइके सुजेन्द्र थापा, प्रदीपमान सिंह बस्नेत, बुद्ध महर्जन नाप मनिष थापा, समिर थापा, कविता थापा, रविन खड्का, रोजा महर्जन, शाहिल महर्जन, हनिशा महर्जन, विनोद ठगुन्ना व रमादेवी श्रेष्ठयात प्रहरी ज्वंगु दु।
‘उमिस १० डलर वा व स्वया अप्पो तया म्हित्येमाःगु मोबाइल एप्लिकेशन चले यानाच्वंगु खः’ कुँवरं धाउगु दु, ‘थ्व दक्को दयकूम्ह छम्ह अमेरिकाय् हे दु, आः ज्वनापि नेपालं जू म्हित्यकेगु ज्यायानाच्वपि खः।’
Categorized in अपराध