स्थानीय तहया निर्वाचन मिति लगायतया विषयमा छलफल यायेत उच्चस्तरीय समन्वय समितिया थौं बैठक च्वनेत्यंगु दु।

प्रधानमन्त्री निवास बालुवाटारय् थौं न्हिनय् ४ बजे बैठक च्वनेत्य.गु दु धका समन्वय समितिया छम्ह सदस्यं धाउगु दु।

थौं च्वनेत्यंगु बैठकं वैशाखय् संसदीय व कात्तिकय् स्थानीय तहया निर्वाचन यायेगु प्रचण्डया प्रस्तावबारे छलफल जुइगु व सरकारयात निर्वाचन मितिबारे सुझाव बिइगु अनुमान याउगु दु।

निर्वाचन आयोगं संवैधानिक व्यवस्था कथं वइगु वैशाखय् हे स्थानीय तहया निर्वाचन यायेत सुझाव सरकारयात बिउगु खः। तर सरकारं निर्वाचनया मिति धासा घोषणा याउगु मदुनि।

Categorized in राष्ट्रिय