सरकारं कोरोना भाइरसया परीक्षणय् शुल्क समायोजन याउगु दु।

बुधबाः जुगु नियमित पत्रकार सम्मेलनय् स्वास्थ्य तथा जनसंख्या मन्त्रालयया सहप्रवक्ता डा. समीरकुमार अधिकारीं पीसीआर परीक्षणय् शुल्क समायोजन जुगु दु धका धाउगु दु।

आः सरकारी प्रयोगशालाय् पीसीआर परीक्षण यायेवलय् ८ सय रुपैयाँ पुलेमाः धका धाउगु दु। थ्व स्वया न्ह्यः सरकारी प्रयोगशालाय् पीसीआर परीक्षण यायेगु इलय् १ हजार रुपैयाँ पुलेमाः।

अथेहे आः निजी प्रयोगशालाय् पीसीआर परीक्षण यायेगु इलय् १ हजार ५ सय रुपैयाँ जुगु दु धका सहप्रवक्ता अधिकारीं जानकारी बिउगु दु।

थ्व स्वया न्ह्यः निजी प्रयोगशालाय् पीसीआर परीक्षण यायेगु इलय् २ हजार रुपैयाँ कायेगु याः।

Categorized in राष्ट्रिय