पन्तिइ थौंनिसे मकर मेला सुरु
थिंलागा त्रयोदशी ११४२, माघ १ सनिवाः | थिंलागा त्रयोदशी ११४२, माघ १ सनिवाः
![](https://www.lahananews.com/sites/default/files/271489713_901547793766813_8268704553687092321_n.jpg)
दँय दँसं झीनिदँ पन्तिइ त्रिवेणीघाटय् मकर मेला थौं शनिबाःनिसे सुरु जुगु दु। मेलाय् दर्शनार्थीपि थौं सुथंनिसे त्रिवेणीघाटया कुण्डय् मकर न्ह्याउगु खः।
सूर्य धनु राशि त्वता मकर राशिइ प्रवेश याउगु न्हापागु दिं (माघ १) निसे लच्छि तक झीनिदँय् छक मेला जुइगु खः थुगु मकर मेला।
कोरोना संक्रमणया जोखिम कारण स्वास्थ मापदण्ड अपने याना सामाजिक दूरी कायम याना छगु थासं २५ म्हपि छकः करिब प्यसःम्हेसिया छकलः म्वो ल्हुइगु व्यवस्था मिले याउगु दु धका पनौती नगरप्रमुखं धाउगु दु।
मेलाया रुपं सञ्चालन मयायेगु निर्णय जिल्ला कोभिड संकट व्यवस्थापन समिति व पनौती नगरपालिकां याउगु खः । निगु हे संस्थां जारी याउगु सूचनाय् २५ म्ह स्वया कम नाप भीडभाड मयासे स्वास्थ्य सम्बन्धी दक्को सुरक्षा मापदण्ड अपने याना मकर स्नान यायेगु धका धाउगु खः।
किपाः दिब्य महर्जन
Categorized in राष्ट्रिय