कीर्तिपुर सिंगिङ आइडल ११४२ प्रशान्त सुवेदी
लहनान्युज | थिंलागा द्धादशी ११४२, पुष १६ शुक्रवाः
![](https://www.lahananews.com/sites/default/files/kip-1.jpg)
किपू नगरपालिकाया ग्वसालय् जुगु कीर्तिपुर सिंगिङ आइडल ११४२ क्वचाःगु दु।
किपूया पांगाय् च्वंगु कीर्तिपुर सिनेप्लेक्स हलय् जूगु उगु ज्याझ्वलय् किपू नगरपालिका ४ वडा सल्यानस्थानया प्रशान्त सुवेदी कीर्तिपुर सिंगिङ आइडल ११४२ जुइत तालागु दु। अथेहे किपू नगरपालिका ३ वडा कुतिसा त्वाःया अतुल मानन्धर ल्यू व किपू नगरपालिका ५ वडा पांगाया जोन महर्जन लियांल्यू लानाः कीर्तिपुर सिंगिङ आइडल ११४२ जुइत ताःलाःगु दु ।
कीर्तिपुर सिंगिङ आइडल ११४२ न्हाप, ल्यू व लियांल्यू लायेत ताःलाःपिंन्त किपू नगरपालिकाया प्रमुख रमेश महर्जनं ट्रफी व मेडल लःल्हानादीगु खःसा उपप्रमुख सरस्वती रिजाल खड्कां खादां न्ययेकाः दसिपौ, प्रशासकीय अधिकृत कृष्णप्रसाद सापकोटां सिन्हः तिकादीगु खःसा आइडलया कजि हरिशरण सायमिं स्वां देछानादीगु खः ।
कासाय् न्हाप लाःम्ह कीर्तिपुर सिंगिङ आइडल प्रशान्त सुवेदीयात नगद न्ययद्वः तका व ट्रफी, ल्यू लाःम्ह आइडल अतुल मानन्धरयात पीद्वः तका व ट्रफी व लियांल्यू लायेत ताःलाःम्ह आइडल जोन महर्जनयात स्वीद्वः तका व ट्रफी लःल्हाःगु खः।
Categorized in मनोरन्जन