लिबियाया पश्चिमी तटीय क्षेत्रय् तःधंगु ल्याःखय् आप्रावासीया सीम्ह लुत
थिंलागा अष्टमी ११४२, पुष १२ सोमवाः
![](https://www.lahananews.com/sites/default/files/libiya_0.jpg)
लिबियाया पश्चिमी तटीय क्षेत्रय् तःधंगु ल्याःखय् आप्रावासीया सीम्ह लूगु दु ।
तटीय क्षेत्र खोम्सया समुद्री सिथय् छम्ह मिजं मचा व निम्ह मिसा लिसें २७ म्हसिया सीम्ह लूगु खः । थुकियात लिबियाया इतिहासय् त्रासदीपुर्ण घटनाया रुपय् व्याख्या याःगु दु ।
लूगु सीम्ह अप्वः धैथें ध्वगिगु अवस्थाय् दु । लिबियाय् दँय्दसं आप्राबासीत गइगु लः जहाज तःधंगु भारया हुनिं दुर्घटना जुइगु याःगु दु ।
थ्वहे दथुइ संयुक्त राष्ट्रसंघं लिबियाय् लिपांगु ई लःजहाज दुर्घटना जूबलय् सच्छि व ६०म्ह सीगु न्ह्यथंगु दु । गुकिइ अप्वः धैथें सिरियाली शरणार्थीत लाःगु दु ।
Categorized in अन्तर्राष्ट्रिय