६७ देशपाखे नेपाःवइ यात्रुपिं अनिवार्य न्ह्यन्हु क्वारेन्टिनय् च्वनेमाः
लहनान्युज | थिंला चतुर्दशी ११४२, पुष ३ सनिवाः
अफ्रिकन देशं फैलै जुगु कोरोना भाइरसया ओमिक्रोन भेरिएन्ट अप्वो फैलै जुगुलि आः नेपालय् न कडा यायेगु जुगु दु।
स्वास्थ्य संवेदनशीलतायात कया अध्यागमन विभागं ओमिक्रोन फैलै जुगु ६७ गु देशपाखे नेपाल वइपिन्त यात्रुयात न्ह्यन्हु अनिवार्य क्वारेन्टिनय् च्वनेमाःगु धका धाउगु दु।
मन्त्रिपरिषदं मंसिर १३ या निर्णय कथं जोखिमयुक्त माने यानातःगु देशपाखे नेपाल प्रवेशयाइपि यात्रुपिन्स न्ह्यन्हु थःगु हे खर्चय् होटल क्वारेन्टिनय् च्वनेमाःगु धका विभागं छगु सूचं जारी याउगु दु।
उगु देशपाखे वइपि यात्रुपिन्स आरटी–पीसीआर विधिपाखे परीक्षण यायेमाः। लिच्वः नेगेटिभ वःगु लिपा न्ह्यन्हु होम क्वारेन्टिनय् च्वनेमाः। पोजेटिम रिपोर्ट वंसा तोके याउगु आइसोलेसन केन्द्र वा अस्पताल छ्वयेगु धका विभागं म्हिगः शुक्रबाः छगु सूचं जारी यासे उल्लेख याउगु दु।
