बुद्ध जन्मस्थल लुम्बिनीइ मिँच्याना छगु दर्जन उपहार पसः नष्ट जुगु दु।

वंगु चान्ह्यः १ः३० बजेति मिँ च्याना १२ गु उपहार पसः च्याउगु खः। माला, मूर्ति, ढाका, हस्तकला लगायतया पसलय् मिँ च्याना ७० लाख रुपैयाँ बराबर क्षति जुगु अनुमान याउगु दु।

उगु थासय् सच्छि मल्याक उपहार पसः दु। दमकल, प्रहरी व स्थानीयपिन्स मिँयात नियन्त्रणय हःगु खः।

घटनाया अनुसन्धान जुयाच्वंगु दु धका अनाया जिल्ला प्रहरी कार्यालय रुपन्देहीं धाउगु दु।

Categorized in राष्ट्रिय