प्रिमियर लिग कोरोना संक्रमणया हुनिं प्रभावित
थिंला एकादशी ११४२, मंसीर २८ मंंगलवाः
![](https://www.lahananews.com/sites/default/files/epl%20pre.jpg)
इंग्लीश प्रिमियर लिग फुटबलय् कोरोना संक्रमणया हुनिं प्रभावित जूगु दु ।
लिपांगु वालय् प्रिमियर क्लबया ४२म्ह कासामितय्त संक्रमण पुष्टी जूगु दु । डिसेम्बर ६ निसें १२ तारिखतक ३द्व ८सः व ५म्ह कासामि, पदाधिकारी, प्रशिक्षक व कर्मचारीतय्त परीक्षण याःबलय् ४२म्हेसित संक्रमण पुष्टी जूगु खः ।
थुकिंयानाः न्ह्यानाच्वंगु सिजनया इंग्लीश प्रिमियर लिग फुटबलया पूर्वनिर्धारित धलः प्रभावित जुइगु खनेदु । थः ८म्ह कासामितय्त संक्रमण पुष्टी जूसां निवाःनिसें टोटनह्याम हट्सपरया कासा मजूनि ।
अथेहे, ब्राइटन, लेष्टर सिटी, म्यान्चेस्टर युनाइटेड, एस्टन भिल्ला व नरिच सिटीइ न संक्रमित कासामित लूगु दु । थुपिं क्लबया कासा न आः अनिश्चित जूगु दु ।
Categorized in कासा