इंग्लिस प्रिमियर लिग फुटबलय् म्यान्चेस्टर युनाइटेड व टोटनह्याम हट्सपर त्यात
थिंला द्धितीया ११४२, मंसीर २० सोमवाः
![](https://www.lahananews.com/sites/default/files/manu_13.jpg)
इंग्लिस प्रिमियर लिग फुटबलय् म्यान्चेस्टर युनाइटेड व टोटनह्याम हट्सपर त्याःगु दु ।
वंगु चान्हय् जूगु कासाय् म्यान्चेस्टर युनाइटेडं क्रिष्टल प्यालेसयात १–० गोलअन्तरं बुकूगु खः । युनाइटेडं कासा त्याकूबलय् फ्रेडं ७७गूगु मिनेटय् निर्णायक गोल याःगु खः ।
वंगु चान्हय् हे जूगु मेगु कासाय् टोटेनह्याम हट्सपरं नरिच सिटीयात ३–० गोलं बुकूगु खः । घरेलु मैदानय् टोटनह्यामयात त्याकेबीत लुकास मौरा, डेभिन्सन सान्चेज व सन ह्युङ मिनं छगोल–छगोल याःगु खः ।
प्रिमियर लिगया मेगु कासाय् एस्टन भिल्लां लेष्टर सिटीयात २–१ गोलअन्तरं बुकूबलय् लिड्स युनाइटेड व ब्रेन्टफोर्डं २–२ गोलया ज्वलिंज्वः म्हितूगु खः ।
Categorized in कासा