लक्ष्मी–नारायणया मुर्ति देगलय् प्रतिस्थापनयात
लहनान्युज | थिंला द्धितीया ११४२, मंसीर २० सोमवाः
यल महानगरपालिका १६ वडाया पट्को त्वालय् च्वंगु लक्ष्मी–नारायण (वासुदेव कमलाजा) या मूर्तियात थःगु हे देगलय् प्रतिस्थापन याःगु दु।
मूर्ति प्रतिस्थापन यायेगु ज्याझ्वलय् नेपाःया लागि अमेरिकी राजदूत र्यान्डी बेरी, यल महानगरपालिकाया मेयर चिरिबाबु महर्जन, १६ या वडाध्यक्ष निर्मलरत्न शाक्य, नेपाल हेरिटेज रिकभरि क्याम्पेनया अध्यक्ष ऋद्धिबाबा प्रधानलगायत स्थानीयपिनिगु न ब्वति दुगु खः। वंगु ३८ दँ न्हय् सन् १९८४ या जुनपाखे चान्हय् लक्ष्मी–नारायणया मूर्ति खुया यंकूगु खः।
पट्को त्वालय् च्वंगु उगु मुर्ति अमेरिकाय् खः। डल्लास म्युजियम न नोभेम्बर ३० य् अमेरिकी फेडरल ब्युरो आफ इन्भेस्टिगेसन (एफबिआई)यात लःल्हागु खः। वयापा एफबिआईं उगु मूर्ति वासिङ्टनय् दुगु नेपाली दूतावासयात लःल्हागु खःसा उगु मूर्ति नेपाल हयाः पाटन संग्राहालयस् तयातःगु खः।
Categorized in राष्ट्रिय
