नेकपा माओवादी केन्द्र निकट प्रेस सेन्टर नेपालया अध्यक्षय् विष्णु सापकोटा (जुगल) निर्वाचित जुगु दु।

चितवनय् शनिवाः व आइतबाः जुगु राष्ट्रिय महाधिवेशनं अध्यक्ष व पदाधिकारी नाप १८४ म्ह केन्द्रीय सदस्यपि ल्यःगु खः।

उगु १८४ म्हेसिया हे अध्यक्ष नाप पदाधिकारी ल्यइगु धका प्रेस सेन्टर नेपालया केन्द्रीय कार्यालय सदस्य बलराम थापां धाउगु दु। व स्वया न्ह्य महाधिवेशनं १९ बुँदे घोषणापत्र सार्वजनिक याउगु खः।

अध्यक्ष नाप पदाधिकारी ल्ययेगु निति चितवनय् हे १८४ म्ह केन्द्रीय सदस्यपि बैठक च्वनेगु तयारी जुयाच्वंगु इलय् बेला नेतृत्वया विषय सहमति जुगु खः।

अध्यक्षय् विष्णु सापकोटा (जुगल), गोविन्द रोका (सचिन), बलराम थापा, लक्ष्मी पुन लगायतपिनिगिु दाबी दुगु खः।

Categorized in राष्ट्रिय