नेपाल राष्ट्र बैंकं मौद्रिक नीतिइ याउगु त्रैमासिक समिक्षालिपा कुहावया च्वंगु शेयर बजाः परिसूचक नेप्से थौं वाःया न्हापागु दिं कुहावंगु दु।

थौं आइतबाः बजाः ७२.३० अंकं घटे जुया २५१३.८८ विन्दुइ थ्यंगु दु। वंगु बिहीबाः बजाःया तुलनाय् २.८० प्रतिशतं कुहावंगु खः। थौं आइतबाः कुल २२६ कम्पनीया ६० हजार ८८ पटक कारोबार जुगु खः। थुगु कारोबारपाखे ८९ लाख २० हजार ८ सय ९४ कित्ता शेयर किनबेच जुगु खः।

आइतबाः कारोबार रकम ४ अर्ब ९ करोड ७ लाख ६५ हजार ३ सय २५ जुगु खः। थौं दक्को समूहया परिसूचक कुहावंगु खः। उकि मध्ये वित्त, व्यापार, लगानीया दक्को क्षेत्रया कम्पनी याउगु दकलय् अप्वो घटे जुगु खः। यादी हाइड्रोपावरय शेयर भाः १० प्रतिशतं धासा थहावंगु दु।

थ्व बाहेक नयाँ सारथी लघुवित्त, मैलुङ खोला जलविद्युत, यूनिलिभर नेपाल, नारायणी डेभलपमेन्ट बैंकया  न थहावंगु दु। थौं आइतबाः आईसीएफसी, दक्को लघुवित्त, ग्रिन डेभलपमेन्ट बैंक, पन्चकन्या माइ हाइड्रोलगायत कम्पनीया लगानीकर्तापिन्स यक्को गुमे याउगु दु।

आइतबाः नेशनल हाइड्रो पावर कम्पनीया यक्को कारोबार जुगु दु।

Categorized in राष्ट्रिय