भक्तपुर उद्योग वाणिज्य संघया नवनिर्वाचित अध्यक्ष शिवप्रसाद मानन्धरनाप च्याम्ह मानन्धरपिन्त छगु ज्याझ्वः दथुइ सम्मान याउगु दु।

भक्तपुर जिल्ला मानन्धर युवा संघं मध्यपुर थिमिइ छगु ज्याझ्वः याउगु खः। भक्तपुर उद्योग वाणिज्य संघया कार्यसमिति सदस्य अमर मानन्धर, वस्तुगतपाखे सदस्य श्यामप्रसाद मानन्धरपि निर्वाचित जुगु खः।

अथेहे, भक्तपुर चेम्बर अफ कमर्सया कार्यसमिति सदस्य सदस्य ज्ञानेन्द्र मानन्धर, मध्यपुर चेम्बर अफ कमर्स कार्यसमिति सदस्य पुष्पलाल मानन्धरपि निर्वाचित जुगु खः। वयकःपिन्त अध्यक्ष न्हुछेरत्न मानन्धरं सम्मानपत्र लल्हागु खः।

अथेहे नेपाली कांग्रेस भक्तपुर जिल्ला कार्य समिति सदस्यय् निर्वाचित राजेश मानन्धर, मिस लिटिल नेवाः फस्ट रनरअप प्रनिधि मानन्धर, मिस ट्यालेन्ट फस्ट रनर अप सिचु मानन्धरपिन्त न सम्मान याउगु खः।

Categorized in राष्ट्रिय