काष्ठमण्डप पुननिर्माण अन्तिम चरणय्
लहनान्युज | थिंला पारु ११४२, मंसीर १९ आईतवाः
![](https://www.lahananews.com/sites/default/files/ssssss-1.jpg)
०७२ सालया तःभुखाचं क्षतिग्रस्त काष्ठमण्डप पुनर्निर्माणया ज्या अन्तिम चरणय् थ्यगु दु।
काष्ठमण्डप पुननिर्माण समितिया अध्यक्ष नाप प्रदेशसभा सदस्य राजेश शाक्यं छगु पत्रकार सम्मेलनयासे धयादीगु दु, ‘जिमिसं पुननिर्माणया ज्या अन्तिम चरणय् थ्यके धुकुगु दु। याकन हे थुकिया औपचारिक शुरुवात याये।’ पुननिर्माणय् सयकाउग सन्दर्भय् शाक्यं धयादीगु दु, काष्ठमण्डप निर्माणया ज्या अन्तिम चरण थ्यने धुका थगु हे स्रोत, सीप व प्रविधिपाखे प्राचीन स्मारक पुननिर्माण यायेफु धइगु पुष्टि जुगु दु।
समितिया अध्यक्ष शाक्यं पुलागु प्यम्ह गणेद्यः नाप गोरखनाथया मूर्ति भुखाचं क्षतिग्रस्त जुगुलि न्हगु मुर्ति तयागु स्पष्ट यानाखीगु खः।
पुननिर्माण समितिया सचिव गौतम डंगोलया कथं ०७८ कार्तिक मसान्ततक पुननिर्माणया लागि आःतक ७६ हजार ११ माः अप्पा मध्ये ७५ हजार ७६१ प्रयोग जुइ धुकुगु दु। अथेहे ८६ हजार ८ सय माः अप्पा मध्ये ८३ हजार ८ सय व २२४ फः अप्पामध्ये १७९ अप्पा प्रयोग जुइ धुकुगु दु। १७ हजार २६० तेलिया अप्पा मध्ये १४ हजार २६० अप्पा प्रयोग जुइ धुकुगु दु। अथेहे ९१ हजार २५० झिँगटीमध्ये ७४ हजार ४५० झिँगटीया प्रयोग जुइ धुुकुगु दु। २० कुँपामध्ये १२ प्रयोग जुइ धुकुगु दु। अथेतु, ९ हजार २२४.१३ क्युविक फिट सिँ प्राप्त जुगु दु। उकिमध्ये ८ हजार ३४४.६५ क्युविक फिट सिँ प्रयोग जुइ धुुकुगु दु। पुलागु मध्ये ४९३.८ क्युविक फिट सिँ प्रयोग जुइ धुकुगु दु।
काष्ठमण्डपया जग भुखाचं न क्षति मजुगु धका युनेस्कोया ग्वाहालिइ बेलायतया दरहयाम विश्वविद्यालय व पुरातत्व विभागया टोलीं पुरातात्विक अनुसन्धान धाउगु खः। उगु कथं हे सुरक्षित जुगु जगं गारोयात मस्यूसे मर्मत यासे उकिया हे च्वसं गारो थपे याना ज्या न्ह्याकूगु खः।
Categorized in राष्ट्रिय