कोरोनाया न्हूगु भेरियन्ट याकनं हे हलिंन्यंक न्यनेफुगु डब्ल्युएचओया चेतावनी
कछलागा एकादशी ११४२, मंसीर १४ मंगलवाः
![](https://www.lahananews.com/sites/default/files/who_11.jpg)
बिश्व स्वास्थ्य संगठन डब्ल्युएचओं कोरानोया न्हूगु भेरिएन्ट ओमिक्रोनया संक्रमण हलिंन्यंक याकनं हे न्यनीगु चेतावनी ब्यूगु दु ।
थुकिं गम्भीर लिच्वः वयेफुगु धासें डब्ल्युएचओं बिश्व जगतयात महामारी न्यंकेमबीत ठोस पलाः न्ह्याकेत नं धाःगु दु । डब्ल्युएचओ प्रमुख डा. टेड्रोस गेब्रेयससं गरीब राष्ट्रय् खोप उपलब्ध याकेत तःमि राष्ट्रयात इनाप यानादीगु दु ।
हलिंन्यंकया बैज्ञानिकतय्सं न्हूगु संस्करण, उच्च प्रसारण व पुनः संक्रमणया जोखिम व खोपया बारे अध्ययन अनुसन्धान न्ह्याकेधुनागु धासें वय्कलं अफ्रिकी देय्तय्सं महामारी न्यंकेमबीत न्ह्याकूगु पलाःया प्रशंसा यानादिल ।
वंगु वालय् दक्षिण अफ्रिकी देशय् खनेदुगु ओमिक्रोनया हुनिं हलिंया कयौं देशं उगु देय्या नागरिकयात यात्रा प्रतिबन्ध तयेधुंकूगु दु ।
Categorized in अन्तर्राष्ट्रिय