नेकपा एमालेया अध्यक्ष केपी शर्मा ओलीं फयाफतले सहमति हे नेतृत्व ल्येयगु धका धाउगु दु। उकिया लागि थःम्हेसिया कमिटीया प्रस्ताव यायेगु व चित्त बुझे मजुसा निर्वाचनय् वनेगु धका नेतापिन्त सुझाव बिउगु दु।

शनिबाः चितवनया सौराहाय् जुगु बन्दसत्रय् नेता विष्णु पौडेलं कमिटीया नां प्रस्ताव यायेत अध्यक्ष केपी शर्मा ओलीयात अधिकार बिइगु प्रस्ताव तःगु खः।‘सहमति जुइ मफु थाय् निर्वाचन जुइ। सू पासापि सहमति तयार मदु व जि थ्व पद माः धका धायेफइ’ वयकलं, ‘भीम रावलजु जि अध्यक्ष दने, जि लितकाय् मखु धका धयादीगु दु।

मनोनयन हे याउगु मदु छु लितकायेगु खः? मनोनयन जुल धासा लित कायेगु व मकायेगु जुइ। वयकलं कन्ह्य आइतबाः १० बजे सुरु जुइगु बन्दसत्रय् थःम्हेसिया पदाधिकारी व कमिटीपिनिगु नां प्रस्ताव यायेगु व चित्त बुझे मजुसा निर्वाचनय् वनेत इनाप याउगु दु। 

Categorized in राष्ट्रिय