नेपाल संवत हनेगु जक मखु व लय् लय् पतिं माग पुमवंतले न्ह्याकेमाः, मल्ल के. सुन्दर
लहनान्युज | कछलागा अष्टमी ११४२, मंसीर ११ सनिवाः
![](https://www.lahananews.com/sites/default/files/-1142.jpg)
नेवाः न्ह्यलुवा मल्ल के. सुन्दरं न्हूदँया लसता ज्याझ्वः लसता जक यायेगु मखुसें न्हुदँ व नेपाल संवत ल्वनाच्वंगु माग यात पुंवकेगु कथंया ज्याझ्वः यायेमाःगु धका धयादीगु दु।
नेवाः न्ह्यलुवा मल्ल के. सुन्दर सुन्दरं थौ शनिवाः जुगु नेपाल संवत न्हूदँ राट्रिय समारोह समितिं ११४२ या ग्वसालय् थँहिति कौला ज्याझ्वलय् न्ववायेगु झ्वलय् अथे बिचाः तयादीगु खः। वयकलं नेपाल संवत हनेगु जक मखु व लय् लय् पतिं ज्याझ्वः यायेगु नामय् ज्याझ्वः यायेगु जक मखुसें झिगु माग छु खः व पुवकेगु कथंया ज्याझ्वः यायेत नं समारोह समितियात इनाप यानादिगु खः।
अथे हे वयकलं थहिति त्वाः नेपाल संवतया आन्दोलन न्ह्याकेगु निति दकलय् न्हापां भिंतुना ¥यालि न्ह्याकुगु थाय् जुगु स्मरण यानादिगु खः।
ज्याझ्वलय् समारोह समितिंया सल्लाकार समितिया कजि लक्ष्मीदासु मानन्धरया मू उपस्थिति जुगु खः। समारोह समितिया अध्यक्ष निरजनरत्न शाक्यया सभाध्यक्षताय् जुगु उगु ज्याझ्वलय् लसकुस न्वचु समारोह समितिया दुजः नाप येँ महानगरपालिका १७ वडाया वडा अध्यक्ष नविन मानन्धरं लसकुस यानादिगु खःसा ज्याझ्वः समितिया दुजः लिसें ज्याझ्वःया कजि ज्योति शाक्यं न्ह्याकादिगु खः ।
Categorized in राष्ट्रिय