एमालेया झीक्वःगु महाधिवेशनया बन्दसत्र सुरु
लहनान्युज | कछलागा अष्टमी ११४२, मंसीर ११ सनिवाः
![](https://www.lahananews.com/sites/default/files/u-b-12.jpg)
नेकपा एमालेया झीक्वःगु महाधिवेशनया बन्दसत्र सुरु जुगु दु।
चितवन सौराहास्थित होटल सेभेन स्टारय् बन्द सत्र सुरु जुगु हलय् अध्यक्ष केपी शर्मा ओली थ्यःगु दु। बन्दसत्र सुरु जुइगु थासय् एमाले प्रतिनिधि न वनेगु सुरु याउगु दु।
बन्दशत्रया उलेज्या सत्रय् एमाले महाधिवेशनया निमन्त्रणाय् नेपाल वंपि विदेशी पाहुनापिन्स न सम्बोधन याइगु जुगु दु। अथेहे एमाले अध्यक्ष केपी शर्मा ओली न सम्बोधन याइ। महाधिवेशनया बन्दसत्रं एमाले केन्द्रीय कमिटीया बैठक शुक्रबाः बहनि विधान संशोधन याना अनुमोदन जुइगु छम्ह नेतां जानकारी बिउगु दु।
बैठकं झीक्वःगु महाधिवेशनपाखे निर्वाचित जुइपि पदाधिकारी व केन्द्रीय सदस्य ल्याः थपे यायेत्यःगु दु। शुक्रबाः सुरु जुगु एमाले महाधिवेशनया शनिबाः हे उम्मेदवारी मनोनयनया ज्याझ्वः दु।
Categorized in राष्ट्रिय