प्रधानमन्त्री शेरबहादुर देउवां आन्दोलन यानाच्वपि कानून व्यवसायीपिन्त छलफलय् सःतूगु दु।

प्रधानन्यायाधीश चोलेन्द्रशम्शेर जबराया राजीनामा फ्वसे नेपाल बार एशोसिएसनया अगुवाइ आन्दोलन जुयाच्वंगु लच्छि लिपा प्रधानमन्त्री देउवां कानुन व्यवसायीपिन्त भेटघाटया लागि शुक्रबाः सुथय् १० बजे सःतूगु दु।

नेपाल बार एशोसिएसनया अध्यक्ष चण्डेश्वर श्रेष्ठं थःपिन्स प्रधानमन्त्री देउवायात नापलायेगु ई कयागुलि कन्ह्य १० बजे सःतूगु धका धाउगु खः।

छलफलय् बार पदाधिकारीपि नाप वरिष्ठ अधिवक्तापि दमननाथ ढुंगाना, बद्रीबहादुर कार्की, शम्भु थापा, हरिहर दाहाल, रमण श्रेष्ठ, प्रेमबहादुर खड्कापि न सामेल जुइगु दु।

अथेहे नेपाल बार एशोसिएसन व सर्वोच्च अदालत बार एशोसिएसनया अध्यक्ष नाप पदाधिकारीपि न वनिइगु जुगु दु।

Categorized in राष्ट्रिय