लगातार घटे जुया वयाच्वंगु शेयर बजाः थौं बुधबाः धासा सम्हाले जुगु दु।

न्हिच्छियकं थहाकुहा वना बन्द जुगुलि १ दशमलव ८२ अंकं बढे जुया बजाः बन्द जुगु खः। नेप्से परिसूचक सकारात्मक खनेदुसा ‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न सकारात्मक खने मन्त।

अय्न, कारोबार रकम धासा भचा सुधार खने मदु। सोमबाः ४ अर्ब न मथ्यंगु शेयर कारोबार रकम मंगलबाः ४ अर्ब १६ करोड हाराहारी थ्यंगु दु। बुधबाः धासा कारोबार रकम ४ अर्ब २१ करोड स्वया अप्वोगु दु। न्हिच्छियक ५४ हजार ७ सय ३ कारोबारपाखे २२७ कम्पनीया ७४ लाख ४५ हजार २२७ कित्ता शेयर किनबेच जुगु खः।

कारोबार रकम ४ अर्ब २१ करोड ७४ लाख १५ हजार ३३७ रुपैयाँ थ्यंगु दु। बैंकिङ, व्यापार निर्जिवन बीमा कम्पनीया कारोबार मापन याइगु सबइन्डेक्स न घटे जुया नकरात्मक खनेदुगु खःसा ल्यःदनिगु थहावंगु दु। बुधबाः यक्को कमे याउगुलि मैलुङ खोला हाइड्रापावर कर्णाली विकास बैंक खः।

Categorized in राष्ट्रिय