शेयर बजाः परिसूचक नेप्से थौं मङ्गलवाः दोहोरो अङ्कं घटे जुगु दु। नेप्से थौं ३२ दशमलव २९ अङ्कं घटे जुया २ हजार सात सय ३३ दशमलव १४ विन्दुइ कुहावंगु दु।

थौं मेमेगु दक्को समूहया शेयर घटे जुगुलि होटल, विकास बैंक, उत्पादन, बीमा, फाइनान्स व माइक्रोफाइनान्स समूहया शेयर कुहावंगु दु। थौं २ सय २७ कम्पनीया ७४ लाख ४८ हजार कित्ता शेयर ४ अर्ब १६ करोड रुपैयाँया कारोबार जुगु दु।

दकलय् अप्वो नेपाल टेलिकमया ४१ करोड ५७ लाख रुपैयाँ शेयर किनबेच जुगु दु। आईसीएफसी फाइनान्स, नारायणी विकास बैंक व एनआईबीएल प्रगति फन्डया शेयर न्यागु प्रतिशतं घटे जुगु दु।

समग्र बजाः घटे जूसा मानुषी लघुवित्त कम्पनीया शेयर १० प्रतिशतं थहावंगु दु।

Categorized in राष्ट्रिय