यलया हरिसिद्धि टौखेलय् लँ पीच मयाःगु धासें स्थानीयपिन्स लँ बन्द यानाः प्रदर्शन याउगु दु। बाँडेगाँ, सिभिलचोक ठैबय् खिपं, ड्रम, साइकल व ल्वहँ थज्याःगु सामान तया स्थानीयपिन्स लँ बन्द याःगु खः।

ताः ईनिसें लँ पीच यायगु धासाः नं ठेकेदारं ज्या मयागुलि लँ बन्द यानाः आन्दोलन यानागु धका स्थानीयपिन्स धागु दु । गोदावरी नगर १४ या वडाध्यक्ष जगतनाथ महर्जनं कच्ची लँय् धुँ व कुँ ब्वःया मनूत च्वने मफूगु अवस्था वयेधुक्कुंगु दु।

ठेकेदारं मंसिर तकया दुने लँय् पीच यायेगु आश्वासन बियातःगु खः। निर्माण सुरु जूगु न्यादँ दय् दयेधुंकुसाः नं थ्व लँय् पीच मजुनिगु खः। थुगु लँ निर्माणया ठेक्का सम्झौता २०७३ साल असारय् जूगु खसाः सिएम कन्टक्सनं लँ पीच यायेगु ठेक्का कयातःगु खः।

Categorized in राष्ट्रिय