सिन्धुपाल्चोक हेलम्बुया छगू गोठ च्याःबलय् स्वम्ह मस्त च्यानाः सित
कछलागा चर्तुर्थी ११४२, मंसिर ७ मंगलबाः
![](https://www.lahananews.com/sites/default/files/children%20death.jpg)
सिन्धुपाल्चोकया हेलम्बु गाउँपालिका सरसिङय् स्वम्ह मस्त च्यानाः सीगु दु । सन्च तामाङया गोठ च्याःबलय् स्वम्ह मस्त उकी लानाः सीगु जिल्ला प्रहरी ज्याकू सिन्धुपाल्चोकं न्ह्यथंगु दु ।
सीपिंलय् सन्च तामाङया काय् ६दँया मनोज तामाङ, सुकुमान तामाङया काय् ५दँया मनिस तामाङ व साईला तामाङया काय् ५दँया दिल बहादुर तामाङ लाःगु दु । मस्त गोठय् म्हिताच्वंगु इलय् गंगु हः च्याःगु धाःगु दु ।
स्थानीय व प्रहरीया ग्वहालिइ बहनी मि पूवंक नियन्त्रणय् वःगु खः । घटना सम्बन्धय् थप अनुसन्धान जुयाच्वंगु प्रहरीं न्ह्यथंगु दु ।
Categorized in अपराध