पुष्पलाल पार्कय् खुल्ला शारीरिक व्यायाम स्थल स्थापना
रसिया श्रेष्ठ | कछलागा तृतीया ११४२, मंसीर ६ सोमवाः
![](https://www.lahananews.com/sites/default/files/248415832_582343682980169_6926117836193596502_n.jpg)
येँ महानगरपालिका वडा १८य् खुल्ला शारीरिक व्यायाम स्थल स्थापना जूगु दु। पुष्पलाल पार्कय् जडान यानातःगु शारीरिक अभ्यास उपकरणया महानगरका प्रमुख विद्यासुन्दर शाक्यं उलेज्या यानादिल। ज्याझ्वलय् नवासें महानगर प्रमुख शाक्यं महानगर क्षेत्र दुनेया खुल्ला थाय्यात उपयोग यायेत स्थानीययात इनाप यानादिल।
थःपिन्सं हरेक वडाय् म्ह्वतिं छगू पार्क दयेकाः छेँ लिक्क शारीरिक अभ्यास याय्गु थाय् दय्केगु योजना न्ह्याःवनाच्वनागु शाक्यया धापू खः। व झ्वलय् वडाध्यक्ष लिसें सम्पदा तथा पर्यटन समितिया कजि न्हुच्छेकाजी महर्जनं येँया दुनेया बस्तीया वडाय् थुकथंया खुल्ला व्यायाम स्थल थ्व हे न्हापांगु जूगु धयादिल । पार्कय् दुगु उपकरण दक्वं न्यु आनन्द टे«ड हाउसं जडान यानाब्यूगु खः।
व्यायाम स्थलय् स्काइ वाकर, एअर वाकर, क्रस टे«नर, सिट अप सिङ्गल, चेस्ट प्रेस, थाइ ची स्पिनर, साइकल, हर्स राइडर, डवल स्ट्याण्डिङ् ट्वीस्टर, पुस अप बार, व्याक एक्स्टेन्सन थुज्वःगु ११ ताजि सामग्री दु।
Categorized in राष्ट्रिय