प्रधानन्याधीश चोलेन्द्र शम्सेर जबराया राजीनामा फ्वसे आन्दोलनर यानाच्वंपि कानून व्यवसायीपिन्स सर्वोच्च अदालत परिसरय् दंगा प्रहरी चिइकेगु माग याउगु दु।

बिहीबाः प्रदर्शनय् सम्बोधन यायेगु झ्वलय् कानून व्यवसायीपिन्स अथे माग याउगु खः। बिहीबाः प्रदर्शन यायेगु झ्वलय सम्बोधन यासे नेपाल बार एशोसिएसनया केन्द्रीय सदस्य खिमानन्द अधिकारीं कन्ह्यनिसे सर्वोच्च परिसरय् दंगा प्रहरी चिइकेगु माग याउगु खः।

वयकलं धाउगु दु, ‘दंगा प्रहरी हटे मयासा गोली नयेत तयार दु तर आन्दोलन रोके जुइमखु।’ थौं जुगु प्रदर्शनय् प्रहरी व कानून व्यवसायपि दथुइ झडप जुगुलि नेपाल बार एशोसिएसनया अध्यक्ष चण्डेश्वर श्रेष्ठनाप १२ म्ह घाःपाः जुगु खः।

प्रधानन्यायाधीश जबरा प्रवेश यायेत स्वंगु इलय् वैकल्पिक लँपु मालेत स्वंगुु इलय् कानून व्यवसायीपिन्त रोके यायेगुलि प्रहरीं बल प्रयोग याउगु खः।

Categorized in राष्ट्रिय