स्पेन, सर्विया व क्रोएसिया विश्वकप फुटबलया नितिं छनोट
कछलाथ्व एकादशी ११४२, कार्तिक २९ सोमवाः
![](https://www.lahananews.com/sites/default/files/spain_1.jpg)
स्पेन, सर्विया व क्रोएसिया विश्वकप फुटबलया नितिं छनोट जूगु दु ।
वंगु चान्हय् जूगु छनौट चरणया लिपांगु कासात त्याका स्पेन, सर्विया व क्रोएसियां आकिवं कतारय् जुइगु विश्वकप फुटबलय् थाय् पक्का याःगु खः । विश्वकप छनौट अन्तर्गत युरोपेली पुचः ए या कासाय् पोर्चुगलयात २ग्रू–१गू या गोल अन्तरं बुका सर्विया तप्यंक विश्वकपय् ल्यगु दु ।
बूगु लिसें पोर्चुगलं धाःसा विश्वकपय् थाय् दयेकेत प्ले अफ् म्हितेमाःगु जूगु दु । उखे पुचः बि या लिपांगु कासाय् स्विडेनयात १गू–०या गोल अन्तरं बुका स्पेन नं विश्वकपय् ल्यगु दु । पुचः एच य् रुसयात १गू–०या गोलं त्याका क्रोएसिया नं विश्वकपय् छनौट जुइत ताःलात ।
वंगु चान्हय् मेगु कासाय् जर्मनीं अर्मेनियायात ४गू–१गूया गोल अन्तरं बुकुबल् रिपब्लीक अफ आयरल्याण्डं लक्जेम्बर्गयात ३गू–०या गोल अन्तरं त्याकुगु दु । जर्मनी थ्वयान्ह्यः हे कतार विश्वकपया नितिं छनौट जुइधुंकुगु खः ।
Categorized in कासा