शेयर तइगु खाता डिम्याट खाताया ल्याः ४६ लाख स्वया अप्वोगु दु। शेयर बजारय् न्हुपि लगानी दुकायकेगु झ्वलय् लच्छिया दुने हे छगु लाख न्हुपि डिम्याट खाता थपे जुयाच्वंगु दु।

शेयर बजारया दक्को तथ्यांक तइगु कार्यालय सिडिएस एण्ड क्लियरिङ लिमिटेडया कथं सोमबाः तक डिम्याट खाता दुपिनिगु ल्याः ४६ लाख १८ हजार ६ सय थ्यंगु दु।

सिडिएससीया कथं मेरो शेयर प्रयोगकर्ताया ल्याः ३७ लाख ३४ हजार ३ सय १९ थ्यंगु दु। मेरो शेयरपाखे साधारण शेयर (आईपीओ) भरे यायेगु व निगुगु बजारय् बिक्री याइगु शेयर ट्रान्सफर याये फइ। मेरो शेयर खाता मदुपि आईपीओ भरे यायेत बैंकय् वनेमाः।

डिम्याट खाताय् आःतक ७ अर्ब ३९ करोड २४ लाख ८४ हजार ६०४ कित्ता शेयर दु।

Categorized in राष्ट्रिय