मध्य भोटेकोशी जलविद्युत कम्पनीया आईपीओ बाँडफाँट जुगु दु। कम्पनीं सर्वसाधारणया लागि ८१ लाख ९० हजार कित्ताया आईपीओ निष्काशन याउगु खः।

स्वीकृत आवेदनमध्ये ८ लाख १९ हजार आवेदकपिन्त १० कित्ताया दरं लागु दु धका कम्पनी बिक्री प्रवन्धक ग्लोबल आइएमई क्यापिटलं धाउगु दु। आईपीआय् २३ लाख ९० हजार २१८ लगानीकर्तापिन्स ३ अर्ब ४१ करोड ८३ लाख २९ हजार रुपैयाँ बराबरया शेयर खरिदया लागि आवेदन बिउगु खः।

उकि मध्ये ९५ हजार ७२२ आवेदनपिनिगु रद्द जुगु दु, कुल निश्कासन मध्ये ४ प्रतिशत अर्थात ३ लाख ६० हजार कित्ता शेयर कम्पनीया कर्मचारीपिन्त व ५ प्रतिशत अर्थात ४ लाख ५० हजार कित्ता शेयर सामूहिक लगानी कोषयात छुटे याउगु दु।

मध्य भोटेकोशी जलविद्युत कम्पनीं सिन्धुपाल्चोकया भोटेकोशी गाँउपालिकामा रन अफ रिभरय् आधारित जलविद्युत आयोजना निर्माण यानाच्वंगु खः। थुगु आयोजनापाखे १०२ मेगाबाट बिजुली पिकायेत्यःगु खः।

Categorized in राष्ट्रिय