बंगलादेशयात बुका थ्री नेसन्स कप अन्तर्राष्ट्रिय फुटबलया उपाधि नेपाःयात
लहनान्यूज | चिल्लाथ्व प्रतिपदा, ११४१ चैत्र १६ सोमबाः
![](https://www.lahananews.com/sites/default/files/3-khel.jpg)
नेपालं थ्री नेसन्स कप अन्तर्राष्ट्रिय फुटबलया उपाधि त्याकेत ताःलागु दु ।
सोमबाः जूगु फाइनल कासाय् बंगलादेशयात १-२ गोलया अन्तरं बुका नेपालं त्योक ताःलागु खः । थ्वलिसें ३७दँ लिपा नेपालं थःगु भुमिइ उपाधि त्याकूगु खः ।
थ्वसिबें न्ह्यः नेपालं सन् १९८४ सागय् थःगु मैदानय् त्याकूगु खः । उपाधिलिसें नेपालं ५द्वः अमेरिकी डलर त्याकूगु दु । ल्यू त्याकुमि बंगलादेशं ३द्वः डलर त्याकूगु दु ।
नेपाःयात कासा त्याकेत संजोक राई व विशाल राई नं छगोल/छगोल याःगु खः । बंगलादेशया महबुबुर रहमानं छगोल लिछ्याःगु खः ।
थःपिनि दर्शकया हे न्ह्यने जूगु कासाय् नेपाली टिमं कासा न्ह्याःगु इलंनिसें हे आक्रामक कासा म्हितूगु खः । कासाय् तःक्वमछि नेपाली टिमयात गोल थ्वायेगु ह्वःता चूलासां नं गोल यायेमपूmगु खः।
कासाया १३गू मिनेटय् संजोक राईया क्रसय् त्रिदेभ गुरुङया प्रहारयात बंगलादेशया डिफेन्डरं याउँक हे क्लियर यानाबिल तर १७गू मिनेटय् अनन्त तामाङं याःगु हेड बलयात क्लियर यायेत धाःसा गोलकिपर अनिसुर रहमानयात तसकं थाकूगु खः ।
तर कासाया १८गू मिनेट संजोग राई नं गोल याना नेपाःयात न्ह्यःने लाकल । अथेहे कासाया ४२गू मिनेटय् विशाल राई नं छगोल तना नेपाल थुगुसीया थ्री नेसन्स कप त्याकेत ताःलात ।
Categorized in कासा