नेपाल सुपर लिगया कासा धलः सार्वजनिक
चिल्लागा, प्रतिपदा ११४१, चैत्र ३१ गते मंगलबाः
![](https://www.lahananews.com/sites/default/files/172711888_476364533707537_7340320946658029823_n.jpg)
नेपालय् न्हापांखुसिइ जुइत्यंगु फ्रेन्चाइज फुटबल धेंधेंबल्ला नेपाल सुपर लिग ‘एनएसएल’ या कासा धलः सार्वजनिक जूगु दु ।
वैशाख ११ गते निसें येँया दशरथ रंगशालाय् जुइगु धेंधेंबल्लाय् उलेज्या कासाय् स्वनिगःया निगू टोली काठमाडौं रेजर्स व ललितपुर सिटी एफसी म्हितिइगु जूगु दु ।
धेंधेंबल्लाय् वैशाख २६ गते तक्क लिग चरणया कासात न्ह्याइ । अनलिं वैशाख २८ गते न्हापांगु क्वालिफायर्स जुइसा २९ गते निगूगु क्वालिफायर्स जुइ । धेंधेंबल्लाया फाइनल कासा जेठया १ गते जुइत्यंगु दु ।
धेंधेंबल्लाय् काठमाडौं व ललितपुर नापं विराटनगर सिटी एफसी, पोखरा थन्डर्स, बुटवल लुम्बिनी एफसी, एफसी चितवन व धनगढी एफसीया ब्वति दुथ्याइगु जूगु दु ।