भागरथी हत्यारायात कारबाही याये माःगु मागयासे येँ प्रदर्शन
लहनान्युज | सिल्लाथ्व तृतीया ११४१, फागुन २ आइतवाः
![](https://www.lahananews.com/sites/default/files/nb%20sang.jpg)
नेपाल विद्यार्थी संघ (नेविसंघ) नं बलात्कार लिपा हत्या जुम्ह बैतडीया भागरथी भट्टया हत्यारायात कारबाही याये माःगु माग यासे येँ प्रदर्शन याःगु दु ।
नेविसंघ केन्द्रीय समितं थौं आइतवाः पद्मकन्या क्याम्पसय् विरोध प्रदर्शन यासे भागरथी लगायत बलात्कार व हत्याया दक्को घटनाय् संलग्नपिन्त कारबाही याये माःगु माग याःगु दु । तुलसा पन्तया संयोजकत्वय् जुगु ज्याझ्वःया कोणसभाय् सम्बोधन यासे नेविसंघया अध्यक्ष राजीव ढुंगानां घटनाया दोषियात तत्काल कारबाही यायेत सरकार नाप माग याःगु दु।
महामन्त्री दीपक भट्टराई न उगु घटना दोहरे जुया च्वःगुलि सरकारं कारबाही मयाःगु आरोप बिःगु दु । स्कूलं छेँय् लिहावयाच्वंम्ह भागरथीयाःगु स्थानीय जङ्गलय् शव लुगु खः ।
प्रहरीं अनुसन्धान जारी जुयाच्वंगु दु सा आःतक उगु घटनाय् संलग्नपिनिगु पहिचान जुगु मदुनी।
Categorized in राजनीति