बृहत नागरिक आन्दोलनं राष्ट्रपति ज्याकू न्ह्यःने मार्चपास
लहनान्यूज | पोहेलागा अष्टमी ११४१, माघ २३ शुक्रवाः
![](https://www.lahananews.com/sites/default/files/Screenshot_2021-02-05%20%E0%A4%B6%E0%A5%80%E0%A4%A4%E0%A4%B2%20%E0%A4%A8%E0%A4%BF%E0%A4%B5%E0%A4%BE%E0%A4%B8%E0%A4%AE%E0%A4%BE%20%E0%A4%A8%E0%A4%BE%E0%A4%97%E0%A4%B0%E0%A4%BF%E0%A4%95%20%E0%A4%B8%E0%A4%AE%E0%A4%BE%E0%A4%9C%E0%A4%95%E0%A5%8B%20%E0%A4%AE%E0%A4%BE%E0%A4%B0%E0%A5%8D%E0%A4%9A%20%E0%A4%AA%E0%A4%BE%E0%A4%B8%20%28%E0%A4%AB%E0%A5%8B%E0%A4%9F%E0%A5%8B%20%E0%A4%AB%E0%A4%BF%E0%A4%9A%E0%A4%B0%29%20%283%29.png)
बृहत नागरिक आन्दोलनं थौं सुथय् राष्ट्रपति ज्याकू न्ह्यःने मार्चपास याःगु दु । लैनचौरस्थित पद्मरत्न तुलाधर निवास परिसरं शितल निवासतक्क नागरिक न्ह्यलुवां मार्चपास याःगु खः ।
मार्चपासया ब्वतिमिपिन्सं ‘सत्ता कब्जा मुर्दावाद, राष्ट्रपतिज्यू संविधान गन दु ?, सर्वसत्तावाद मुर्दावाद’ लिसेंया नारा च्वयातःगु प्लेकार्ड ज्वनातःगु खः ।
उमिसं असंवैधानिक नियुक्ती खारेज यायेत नं माग याःगु दु । संवैधानिक निकायस असंवैधानिक नियुक्ति जूगु धासें मार्च पास यानागु बृहत नागरिक आन्दोलनया न्ह्यलुवातय्सं धाःगु दु ।
संसदीय सुनुवाई बिना बुधबाः राष्ट्रपति विद्यादेवी भण्डारीं थीथी संवैधानिक निकायस नियुक्त यानादीगु खः ।
Categorized in राष्ट्रिय